GEGURITAN BANYUMAS

GUMBENG PRING TALI

Dening: KARDJITO

ING SORE……………….

NALIKA  ANGIN GEGOJEGAN KARO SRENGENGE

ING TEGALAN TANAH RATA  PADHANG SESUKETAN

KEPRUNGU SWARA GUMBENG PRING TALI

NYUMBANG WARA-WARA

KAHANAN GANTI ORA BAKAL LALI

ING WENGI…………………….

NALIKA  REMBULAN GEGOJEGAN KARO LINTANG

ING UMAH LAN PEDANGAN

KEPRUNGU KIDUNG TENGAH WENGI

KAIRING GUMBENG PRING TALI

NYUMBANG WARA--WARA

KAHANAN GANTI ORA BAKAL LALI

ING ESUK…………………………

NALIKA  EMBUN GEGOJEGAN KARO PEDHUT

ING PINGGIR SAWAH

ESIH KEPRUNGU SWARA GUMBENG PRING TALI

NADYAN LIRIH MERAK ATI

TING TUNG TING BRUNG IWAK AYAM….. (tembang)

SEGA JAGUNG ORA DOYAN……

MANJAT GUNUNG OLIH PRAWAN……

TING TUNG TING BRUNG IKI

CRITA  SI MBAH JAMAN SAMANA

SAIKI WIS DIGANTI

SWARANE RING TONE LAN ORGEN TUNGGGAL

KANG NGEBAKI ANGKASA

GUMBENG PRING TALI

NYUMBANG WARA-WARA

NING SAIKI WIS PADHA  LALI