Bapa Biyung

                  

Sore  kemulan pedhut

Nggawa angin campur grimis

Adheme ora uwis-uwis

Dhong godhong meniran

Inyong ngendhong ora rubungan

Mbang kembang ciplukan

Sinau bareng ora dolanan

                            

Nggelar klasa tanpa kampil tanpa guling

Njagong setengah thongkrong mbukak buku udu piring

Silah slonjor jejege dhoyong miring-miring

Engsad-engsod kathok guluh klambi nglinthing

Lungmayan ngesuk mlebu ora kepontang-panting

Sore kemulan pedhut

Inyongkemutan bapa biyung

Sing lagi metonggo ngenteni inyong

Sore kemulan pedhut

Nggawa angin campur grimis

Adheme ora uwis-uwis

Dhong godhong kelapa

Inyong ngendhong kemutan bapa

Mbang kembang lembayung

Ati nggrentes kemutan biyung

Bapa siji biyung siji

Kabeh tek jaga ngati-ati

Aja ngasi gawe lara

Aja ngasi gawe gela

Apa maning ngasi durhaka

                                                                                      

Aku baliiiii……..Yuuuunnnnngggg….

KLONENG-KLONENG

Kloneng…..kloneng……..kloneng!!!!

Kiye udu sewara sepur

Sing lagi mlaku neng setasiun Karanggandul

Kloneng….kloneng……kloneng!!!

Kiye udu sewara lonceng

Sing muni neng pucuk gereja

Sebab neng kene anane masjid lan mushola

Kloneng…..kloneng……kloneng!!!!

Kiye uga udu onine bel sekolah

Sebab sekiye mbeke jam nem punjul selawe

Kloneng-kloneng kiye

Sewara sekuter enam Sembilan

Sing lagi dhindhek-dhindhek tretehan

Mlayu kaya wong mlaku nggawa sedhetan

Maring sekolahan

Ngosssss….cegrek, ngoossss cegrek ngik….!

Kiye udu sewara sekuter bodhol wingi sore

Ngossss…cegrek, ngooossss…cegrek ngik….!

Kiye sewara ambekane inyong sing bubar degawa mlaku setengah mlayu

Mergane tumpakan winginane wis dejaluk sing duwe…..

Ngosss…cegrek, ngooossss… cegrek, ngikkkkk…..

Pangapura inyong keri nyambut gawe

Tulung omongna maring kepalane!

Cegrek ngiikkkkk…….!

Gumbeng Pring Tali                        Kardjito Kardjit

Neng wayah sore

Nalika angin glewehan karo srengenge

Neng lemah rata rapet neng suket

Krungu sewara gumbeng pring tali

Nyumbang wara-wara

Kahanan ganti ora kepengin bali

Neng wayah wengi

Nalika wulan dolanan karo lintang

Neng umah kulan pedangan

Krungu kidung tengah wengi

Gerongan gumbeng pring tali

Nyumbang wara-wara

Kahanan ganti ora kepengin bali

Neng wayah esuk

Nalika embun uber-uberan karo pedhut

Neng pinggir sawah

Esih krungu sewara gumbeng pring tali

Senajan lirih nyanthel ati

Ting tung ting brung iwak ayam…

Sega jagung ora doyan

Munggah gunung olih prawan…..

Ting tung ting brung kiye

Crita si Mbah jaman semana

Sekiye wis deganti

Sewarane  ring tone lan orgen tunggal

Sing ngebeki langit

Gumbeng pring tali

Nyumbang wara-wara

Ning sekiye mbuh neng endi

Prit Ganthil, Oktober 2010

Parikan Lawas Wong Banyumas

Darkim bin Darnuji putune kaki Rasmiarji

Guru benuman taun sangang puluh siji

Neng SD Negeri Suka Melasi

Kecamatan Semoga Sida Mukti

Tekan siki urung sertifikasi

Esih akeh tunggale ora kena dekemelasi

Bola bali nabok bathuk ngelus dhadha

Ndeleng mentheleng kahanan sing nyata wera-wera

Si Iswera anakke ibu Risrawa wong Sokawera

Pintere ora sepiraha rajine ora patia

Tembe nem, taun nampa SK

Numpak portofolio langsung kegawa

Lega, lega, lega……..lega………

Wanti-wanti ora kena meri ora kena iri

Urip ana kalane pait ana kalane legi

Padha sing seneng aja degawe ati

Kabeh mau sing ngatur Gusti

Rekasa dhisit mukti keri

Sing penting padha guyub rukun lan ngati-ati

Dunya brana ora degawa mati

Kathok biru klambine ireng

Nyolong terasi lebokna slepa

Dadi guru kudu sing seneng

Urung sertifikasi ya ora papa

Nguculi kutang aja depuntir

Angger depuntir rusak taline

Kakehen utang aja depikir

Angger depikir rusak atine

Godhong nyangku nggo wadah benter

Nggawa cipir nduwur sekuter

Senajan ngaku sing paling pinter

Ora mikir batir mati keblinger

Esuk-esuk wis kasak-kusuk

Njugur methuthuk methenguk ngelus-ekus bathuk

Mingak minguk karo manthuk-manthuk

Mikir utang sing wis numpuk

Kelalen adus kelalen raup

Kucluk…..!Sumbang, Oktober 2009

SEPUR LEMPUNG

Jaman sepur lempung

Sarapane sega jagung

Lawuh kluban lembayung

Monjo-monjone godhogan kangkung

Ora kebek seperes cemung

Jaman sepur lempung

Wong padha rekasa ora etung

Sinau ngadhep senthir latung

Esuk-esuk langes mlebu irung

Kaya lutung mambu karung

Ngang…ngung…ngang…ngung….

Sekolah padha mlaku

Ora nganggo seragam ora nganggo sepatu

Bocah ora padha wani saru

Duwe tekad nggolet elmu

Senajan mandheg njebol kelas telu

Wong tuwa esih padha lugu

Guru esih degugu lan detiru

Pak guru awake padha gering kuru

Kurang turu kurang sangu

Bu guru kurang ayu ora kemayu

Angger olih pekothor gedhene karotengah ewu

Padha cekakakan nguya ngguyu

Hua haha haha hua huhu huhu….

Weleh weleh………

Anak, putu, buyut,

Canggah, wareng butul udheg-udheg gantung siwur

Muga-muga padha dawa umur

Duwe awak nasibe mujur

Menangi jaman makmur jibar-jibur

Kepengin mukti kudu sing ngati-ati

Wanilara wani mati

Kepengin mulya kudu gelem rekasa

Aja seneng guleran dosa

Jaman makmur

Ora mung jamane wong sing urip neng dhuwur

Wong cilik sing rekasa gelem uwur

Sing sugih dawa tangane mripate blawuk lamur

Nilep pajeg rakyat jere nutur

Sekethip kena nggo plesir maring Singgapur ping selikur

Wis tlikur tambah ngawur…..

Gumbeng Pring Tali             

Kardjito

Ing sore

Nalika angin gegojegan karo srengenge

Ing tegalan tanah rata padhang sesuketan

Keprungu swara gumbeng pring tali

Nyumbang wara-wara

Kahanan ganti ora bakal lali

Ing wengi

Nalika rembulan gegojegan karo lintang

Ing umah lan pedangan

Keprungu kidung tengah wengi

Kairing gumbeng pring tali

Nyumbang wara-wara

Kahanan ganti ora bakal lali

Ing esuk

Nalika embun gegojegan klaro pedhut

Ing pinggir sawah

Esih keprungu swara gumbeng pring tali

Nadyan lirih merak ati

Ting tung ting berung iwak ayam…

Sega jagung ora doyan

Munggah gunung olih prawan…..

Ting tung ting brung iki

Crita si Mbah jaman semana

Saiki wis diganti

Swarane orgen ring tone lan orgen tunggal

Kang ngebaki angkasa

Gumbeng pring tali

Nyumbang wara-wara

Ning saiki wis padha lali

Aku Dudu Pujangga             BJ. Kardjit

Wengi kemulan pedhut

Peteng ndhedhet lelimengan

Angin nggawa grimis ngirim udan

Adhem nyokot kulit tumus daging

Ing wanci gagat raina

Aku isih angon ngumbar angen-angen

Apa sing bakal dhak sumbangake

Sawise mletheking bagaskara

Aku dudu pujangga

Kang wasis ngukir gurit

Ngrakit ukara

Aku uga dudu maestro

Kang trampil ngracik tembung

Ngripta tembang

Mawa basa rinengga

Aku uga dudu dhukun

Kang bisa ngusadani lelara

Sebel lan puyeng

Kanthi jopa japu japa mantra

Aku iki hamung rayat

Dadi rewang sanak kadang sabrayat

Nadyan upet kari sagebyaran

Muga-muga bisa migunani

Gawe bungah ati liyan

Aku iki hamung pamong

Tukang momong anak uwong

Nadyan damar kari saklerapan

Sapa ngerti bisa gawe padhang

Anak putu sanak kadang

Kali Jurig, Oktober 2010

Si Mbah Uga Manungsa         BJ.Kardjit

Ing ari anggara jenar

Wanci suruping bagaskara

Surya kaping nemlikur rongewu sepuluh

Ing tapel wates tanah nggunuk

Wedus gembel ngamuk

Bareng karo bledug awu anget

Nyapu ereng-ereng wana

Kiwa lan tengen

Ngluluhake Kinah Rejo saisine

Ing Cangkringan

Padhukuhan pucuking Sleman

Ing ari anggara jenar

Wanci suruping bagaskara

Surya kaping nemlikur rongewu sepuluh

Merapi njeblug…..

Ngukutumah kuncen mbah Marijan

Tumpes….ndadekake udan luh

Grimis tangis

Banjir getih….

Nggegirisi………

Kanthi pasrah lan sujud

Mbah Marijan milih kondur

Ngadep ing ngarsane Gusti

Nyawiji rohing Merapi

Kabeh mau mbuktekakae sawijining kasunyatan

Dene ngelmu ilmiah ing pawiyatan luhur

Bisa ngasorake ati kang atos ngluwihi waja

Ora ana sing salah

Kabeh bisa seleh

Si Mbah uga manungsa

Urip iki pindhane wayang

Ana sing nganggit

Ana sing nata

(Hasbunallah wa ni’mal wakil

Ni’mal maula wa ni’man nashir)

Genting, Oktober 2010

Geguritan

Ajar Waskitha               Kardjito kardjit

Muridku,

Sadurunge kowe mukti

Ngundhuh wohing pakarti

Bisa nglungguhi kursi dhampar kamulyan

Ombenen tirta paweling winisuda

Sinaua marang lakune wulan lan bagaskara

Kang ora wedi kesel tansah ngirim pepadhang

Sinaua marang rukune kartika lan gegana

Kang ora bosen gawe padhang sesawangan

Ngajia marang kasetyane rina lan wengi

Kang gumati ngati-ati

Ara nate geseh menehi titi wanci

Muridku,

Mlakua mangulon

Tututana lakune srengenge

Mumpung isih padhang

Singkirna kabeh pepalang

Kukuden mungsuh bebuyutane Prabu Rama

Kang mbiyen nate mboyong Dewi Shinta

Ngasorake Prabu Rama

Dene sorot katutup wana kalinglingan arga

Manjing ing dhasar samudra

Iku wis dadi samestine

Muridku,mlakua mangetan

Pethuken lakune rembulan

Ing wengi iki

Wasuhen sukmamu nganggo iman lan takwa

Lungguh sila khusu lan tafakur

Ajar waskitha

Marang umah balimu

Panggonanmu siki

Panggonanmu mbesuk

KEJUJURAN 16

Tangan kananku lebih besar dari tangan kiriku. Apa pasal? Ternyata ini ekses dari sebuah hobi yang lagi 'mbuming' yaitu mancing..... Seminggu bisa 5 kali ke sungai untuk menthelengi kumbul. Asyik.....

Minggu pagi kami sudah berencana mbolang ke Sungai Klawing di sekitar jembatan Linggamas bersama teman-teman. Karena telah direncanakan pulang sampai malam,maka saya ajak anak lanang untuk jaga-jaga 'penyerangan' yg biasanya melebihi suara mrecon.

Benar saja.....anak saya keasyikan,baru pukul 7 malam kami baru beranjak pulang. Dalam perjalanan,saya membrifing anak lanang. Sampai rumah tentu lebih malam karena harus mampir makan dan beli jajan anak.
"Ngko nek deomeih beyungmu,ngomonge ko sing ajek mancing ya?"
"Ya laaahhhh....." Jawab anakku singkat.

Sampai rumah.......
"@#$*!!!! >'=)&8****$$#@!:"*&% !!!?&*?)$#@!+_)(&*^&%^$####@!$%%^^&**(????&*()!!!!!.........."

Setetengah jam kemudian.......
"Bapake sing ajek....., Aku ora gelem depaksa bae!"

"@#!!!!((>>>:>>>"I*&%$$$)(#@!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!......................."

😪😪😪😪😪😪😪😪😪😪😪😪😫

KEJUJURAN 15

Tegesan Suling

Era 93 kami meneruskan hobi pd saat sy remaja yaitu ngumpul bermain musik dangdutan. Musik dangdut dg peralatan seadanya dari hasil urunan. Kalau ada yg punya rezeki ya beli perlengkapan baru. Suatu ketika sy punya uang untuk beli Seruling bambu satu set. Wah bahagia bukan kepalang. Karena lg suka2nya berlatih,sy kadang pulang hingga larut. Ditempat latihan kami berbaur laki perempuan. Kadang juga ada yg 'ngendong' kerumah.
Suatu sore ketika sy mau ambil seruling dirumah hendak latihan.... seruling itu tak sy temukan. Berjam-jam sy cari tetap tdk kutemukan. Akhirnya sy tidur...tak jadi pergi.
Pagi harinya sy cari lagi hingga di dapur..ehhh....di bibir tungku terlihat sisa seruling tinggal beberapa cm.
Ternyata.....seruling itu dibakar oleh yayangku.....karena cemburu sy sering bareng sama biduan. Seruling yang tinggal "tegesan"nya itu sy dorong masuk kedalam tungku dg harapan ora ngetoni mata.
Aku ya meneng bae..... Tak ada tanya,tak ada pengakuan.....tak ada cerita. Hingga sekarang....Mung kemutan bae....

KEJUJURAN 14

BON KULON. Itu tempat biasa untuk temu kangen kami disaat ada rezeki. Jadi reuni itu kami laksanakan bukannya setahun sekali,tapi sifatnya insidentil. Suatu malam sehabis 'ngelur kabel' bersama beberapa sohib,saya keluar room duluan bermaksud utk membayar (berlagak jadi boss). Tp setelah saya ambil dompet....zonk. Saya rogoh saku demi saku,slempedan demi slempedan. Zonk.... Duh....ternyata ada penyamun di Kebon Kulon. Terpaksa saya bisik2 tk kasir sambil menyerahkan KTP dan SIM B1.
"Aja brisik....ngko tek jukut. Kalem bae kaleeemmmm......"

KEJUJURAN 13

Curhat kali ini saya berharap tidak terbaca oleh sahabat dunia maya. Itu pula yang menyebabkan saya jujur, walau ada sedikit sensor.

Jumat pagi usai subuh,istri sedang sibuk di dapur. Saya lagi aktif nonton tipi sambil ngopi. Tiba-tiba anak pertama kami yang saat itu berumur 2 tahun menangis. Saya langsung buka pintu belakang,

"Bu,bocahe tangi maning,Bu.....!"

Istri yang setia,taat dan 'bekti maring wong lanang" langsung menjawab,

"Iya Pak.....tanggung. Masuk kamar dulu ya...?"

Sayapun langsung masuk kamar dan mencoba menenangkan si kecil. Alhasil anak saya diam dan tertidur lagi.

Beberapa menit kemudian istri saya masuk.....dan bukannya fokus ke anak yang tadi saya laoprkan, tapi ia langsung 'tidur'.

(Pagi itu gerimis turun.......)